Sirach 33

¹Ἐλέησον ἡμᾶς, δέσποτα ὁ θεὸς πάντων, ²καὶ ἐπίβλεψον, καὶ ἐπίβαλε τὸν φόβον σου ἐπὶ πάντα τὰ ἔθνη· ³ἔπαρον τὴν χεῖρά σου ἐπὶ ἔθνη ἀλλότρια, καὶ ἰδέτωσαν τὴν δυναστείαν σου. ⁴ὥσπερ ἐνώπιον αὐτῶν ἡγιάσθης ἐν ἡμῖν, οὕτως ἐνώπιον ἡμῶν μεγαλυνθείης ἐν αὐτοῖς· ⁵καὶ ἐπιγνώτωσάν σε καθάπερ καὶ ἡμεῖς ἐπέγνωμεν, ὅτι οὐκ ἔστιν θεὸς πλὴν σοῦ, Κύριε. ⁶ἐγκαίνισον σημεῖα καὶ ἀλλοίωσον θαυμάσια, ⁷δόξασον χεῖρα καὶ βραχίονα δεξιόν· ⁸ἔγειρον θυμὸν καὶ ἔκχεον ὀργήν, ⁹ἔξαρον ἀντίδικον καὶ ἔκτριψον ἐχθρόν. ¹⁰σπεῦσον καιρὸν καὶ μνήσθητι ὁρκισμοῦ, καὶ ἐκδιηγησάσθωσαν τὰ μεγαλεῖά σου. ¹¹ἐν ὀργῇ πυρὸς καταβρωθήτω ὁ σωζόμενος, καὶ οἱ ἀδικοῦντες τὸν λαόν σου εὕροισαν ἀπώλειαν. ¹²σύντριψον κεφαλὰς ἀρχόντων ἐχθρῶν, λεγόντων Οὐκ ἔστιν πλὴν ἡμῶν. ¹³σύναγε πάσας φυλὰς Ἰακώβ, ⸆